Vrygewigheid

Hierdie Sondag sluit ons die reeks oor Vrygewigheid met ’n kragtige tema uit Lukas 12 af: Wees vrygewig teenoor die armes.

In hierdie gedeelte ontmoet ons twee broers wat oor ’n erfenis stry. In plaas daarvan om ’n regter te wees, waarsku Jesus: “Pas op en wees op julle hoede vir alle gierigheid; want iemand se lewe bestaan nie uit die oorvloed van sy besittings nie.” Hy vertel dan die gelykenis van die ryk grondbesitter wat ná ’n groot oes besluit om groter skure te bou om sy surplus te bêre. Sy plan weerspieël wat ons kultuur dikwels vier—finansiële sekerheid, vroeë aftrede en ’n gemaklike lewe. Tog noem Jesus hom ’n dwaas, omdat hy vir homself opgegaar het, maar nie ryk in God was nie.

Hierdie lering sny diep in ons dissipelskap en menswees in. Jesus wys gierigheid en vrees uit as struikelblokke tot ware lewe en lei sy volgelinge om op die Vader se voorsiening te vertrou. ‘n Interessante een, vrees. In plaas daarvan om rykdom te versamel vir selfbewaring, beveel Hy: “Verkoop julle besittings en gee vir die armes… Waar julle skat is, daar sal julle hart ook wees.”

Die Skrif is duidelik - God se hart is by die armes. Terwyl die Bybel honderde kere oor geloof en gebed praat, word daar meer as tweeduisend keer verwys na die sorg vir die behoeftiges. Om dit te ignoreer, is om ’n sentrale tema van die Koninkryk van God mis te kyk. Hoe lyk dit in elkeen van ons se lewens?

Kom Sondag en vier die erediens wanneer ons ontdek hoe vrygewigheid teenoor die armes nie verlies is nie, maar ’n ewige belegging wat beide gewer en ontvanger verander.